" تعرفت على فنانة معروفة دوب ما مشيت لدبي عرفني بيها صاحبي استدعتني للعشاء في الدار... وقتها مازلت جديد في دبي ماعنديش جمعة فرحت قلت عائلة تونسية باش تستدعاني على عشاء مشيت نلقاها هي و أربعة نساء عملولي عشاء تونسي بعد ما تعشيت الفنانة قاتلي ايجا نعرفك على مرا سودانية راهي عرافة تصدمت اول مرة تصيرلي حاجة كيما هكا قدامي مبعد سهرت شوية ومبعد روحت بعد مدة تعاركت انا وياها صارت نبزة جبدت روحي....
نهار من نهارات بعد مدة طويلة يجيني تاليفون الأربعة متاع الصباح وانا راقد مرة لولا صاحبي قالي شبيك ماجيتش قتلو مانجمش نجي نترانى يطلب التليفون مرة أخرى تكلمني الفنانة وتقلي ريت الي عملتو الكل في حياتك انا باش نحطمهولك...
بعد جمعتين تجيني وجيعة في ساقي الطبيب متاع النادي متاعي تطرد من جرتي في بالهم اني انا مانحبش نلعب هزوني ل 5 طبة ويقولهم ماعندو شيء لاباس عليه عملت التحاليل الكل والأشعة مالقوا حتى شيء...وانا عندي وجيعة في ساقي موش عادية مانجمش نجري و نشوت الكورة ... لين هزيت تاليفون لدارنا قلتلهم عندي هكا وهكا....
نتذكرها كي توا قاعد في قهوة يجيني تاليفون امي تبكي تفجعت قاتلي روح لتونس توا روحت قعدت 10 أيام في دارنا في مدنين جابولي الشيوخ قالولي هكا وهكا وبريت بالرقية.... السحر الي عملوهولي قوي برشا... كلمة نحطملك حياتك ديما ترن في وذني و الموضوع هذا عندو سبعة سنين وانا مانحبش نحكي فيه مع حتى حد.... كي نشوفها الفنانة هذي في تلفزة توا نبدل "
Tags:
منوعات